Albisteak

Nerabeak, alkohola eta Cov-19

Kobid 19ak sortutako egoera dela eta, Agipad Elkarteak nerabeek eduki ditzaketen arrisku egoerei aurre hartzera gonbidatzen ditu familiak. Besteak beste, gehiegizko kontsumoa, distantzi neurriak ez errespetatzea, edalontzia eta botilak elkarbanatzea... Egoera horiek arriskuan jartzen baitituzte beraien buruak eta baita ingurukoak ere.

Ikastola Eguna 2020

Ekainaren 13an ospatu zen 2019-2020 ikasturteko ez-ohiko Ikastola Eguna. Ikasturtearen amaiera guztiok elkarrekin ospatzeko aitzakia polita izan ohi da eta, aurten ere, gure komunitatearen izaera parte hartzailea azpimarratzeko balio izan du. 

Kilometroetako arropa zure eskura

Aurtengo Kilometroak jaia Villabona-Zizurkilgo Zubimusu Ikastolak antolatuko du Korri, punpa, ttak! lelopean. COVID-19ak eragindako osasun-larrialdiak etenaldi bat egitera behartu ditu, baina ez dira geldirik egon. Besteak beste, jaiaren bueltarako ilusio guztiarekin arropen eta produktuen katalogo ederra prestatu eta diseinatu dute. Kilometroetako arropa on-line eros dezakezu eta egindako eskaera Orioko Ikastolako guraso batek eramango dizu etxera, bidalketa-gastuak aurrezteko. 

Ezohiko hiruhilekoaren emaitza emankorra

Orioko Herri Ikastolako gelak hutsik daude, baina Ikastola ez dago egonean. DBHko irakasle eta ikasleak konfinamenduko lehen egunetik konektatu dira egunean lau orduz ikasgaietan aurrera egin eta jarduerak burutzeko. Baina gauza jakina da ordenagailuaren aurrean lan egitea eta gelan egotea ez dela gauza bera, ez irakaslearentzat ezta ikaslearentzat ere. Horregatik, Aste Santuko oporren ostean, ikasleak talde kooperatibotan bilduta proiektuak lantzen hasi ziren eta iritsi da egindako lana erakutsi eta ikasleek sortu dituzten siteez gozatzeko unea.

Orioko Herri Ikastola, Mondragon Goi Eskola Politeknikoa eta Ikastolen Elkartea elkarlanean

 Mugara iritsi da Orioko Ikastola eta Mondragon Goi Eskola Politeknikoko Diseinu Industrialeko ikasleek elkarlanean eta Ikastolaren Elkartearen laguntzaz egin duten ELKARMAKER proiektua. Denen artean ilea automatikoki orrazteko robota eta dirua gordetzeko kutxa bat sortu dituzte, huts-hutsetik.

Ikastolen Elkartearen aldizkaria 

Hona hemen Ikastolen Elkartearen Ikastola aldizkariaren ale digitala. Bizi dugun egoerak behartuta Covid 19 koronabirusaren pandemiak ikastolen komunitatean izan duen eragina erakusten duen monografikoa da. 

Konfinamendu garaian ikasten eta irakasten

Koronabirusak ikaste-irakaste prozesua guztiz aldatzera eraman gaitu. Hasierako egun eta asteetan, konexio arazoak konpontzeaz gain, modu digitalean lan egiteko programa berrietara ohitu behar izan genuen (Classroom, Meet, Drive…), hala ikasleek nola irakasleek.

Lehen fase horren ostean, bi kezkek zuzendu dituzte irakasleen eta zuzendaritzaren erabakiak: ikasleak nola motibatu eta zer egin inor atzean gelditu ez dadin. Inoiz baino malgutasun handiagoarekin eta proposamen berriak egiteko ausardia eta sormena lagun ekin diogu ikasturte amaiera bitarteko epealdiari.

Etxealditik Euskaraldira Ikastolako langileen bideoa

Etxeko hizkuntza ohiturak aldatzeko aukera polita dela deritzote Euskaraldiaren antolatzaileek. Ikastolako langileok bat egin nahi izan dugu ekimenarekin bideo labur honekin eta zuek ere saiakera hauek egitera animatzen zaituztegu.

Orriak

Albisteak-era harpidetu